Память царственных страстотерпцев

 

Сегодня, 4 / 17 июля, Церковь воспоминает трагическое событие - убийство царской семьи.  Неисчислимыми бедствиями явилось оно для Отечества нашего и если не осознать его, как грех отступничества,  то не будет и возрождения  России. Ниже приведен текст покаянной молитвы в этот день читаемой.)

 Благословен еси, Господи Боже отец наших, и хвально и прославлено имя Твое во веки, яко праведен еси о всех, яже сотворил еси нам, и вся дела Твоя истинна, и прави путие Твои, и вси суди Твои истинни: и судьбы истинны сотворил еси по всем, яже навел еси на ны. Яко согрешихом, и беззаконновахом отступивше от Тебе, и прегрешихом во всех, и заповедей Твоих не послушахом, ниже соблюдохом, ниже сотворихом, якоже заповедал еси нам, да благо нам будет. И предал еси нас в руки врагов беззаконных, мерзких отступников, и человеком неправедным и лукавнейшим паче всея земли. И ныне несть нам отверзи уст: студ и поношение быхом рабом Твоим и чтущим Тя. Не предаждъ же нас до конца имене Твоего ради, и не разори завета Твоего, и не остави милости Твоея от нас. Яко, Владыко, умалихомся паче всех язык и есмы смирени по всей земли днесь, грех ради наших. И несть во время сие начальника, пророка и вождя. И ныне возследуем всем сердцем, и боимся Тебе, и ищем лица Твоего. Не посрами нас, но сотвори с нами по кротости Твоей, и по множеству милости Твоея, и молитв ради Пречистыя Матере Твоея и всех святых Твоих изми нас по чудесем Твоим, и даждь славу имени Твоему, Господи. И да посрамятся вси являющии рабом Твоим злая, и да постыдятся от всякия силы, и крепость их да сокрушится. И да разумеют вси, яко Ты еси Господь Бог наш, един и славен по всей вселенней, аминь.

Святые царственные страстотерпцы молите Бога о нас! 

 ic32